චමිරට පන්දුව නොදුන් නිසා ලක්නව් පරදී

manager — Tue, 29 Mar 2022 16:01:34 +0000

ගුජරාට් ටයිටන්ස් 161-5 (Tewatia 40*, Hardik 33, Chameera 2-22) පරාජය Lucknow සුපර් ජයන්ට්ස් 158-6 (Hooda 55, Badoni 54, Shami 3-25)

චමිරට පන්දුව නොදුන් නිසා ලක්නව් පරදී

නව කණ්ඩායම් දෙකක් අතර පවතී මෙම තරඟයෙන් ගුජරාට් කණ්ඩායම කඩුළු 5ක ජයක් ශ්‍රී ලංකා ක්‍රීඩක චමීර ක්‍රීඩා කරන ලක්නව් කණ්ඩායමට එරෙහිව වාර්තා කරන ලදී.

තරඟයේ පළමු පන්දුවෙන් ම ලක්නව් නායක KL රාහුල් පිටියෙන් ඉවත් කිරීමට මොහොමඩ් ෂාමි සමත් විය. ලකුණු 29 ක් තුළ කඩුළු 4ක් දැවී ගොස් තිබු අවස්ථාවක දීපක් හුදා සමඟ එක්වුණු අයුෂ් බදෝනි ඊළඟ කඩුල්ල වෙනුවෙන් ලකුණු 87 ක අනර්ඝ සම්බන්දතාවයක් ගොඩ නගමින්, ලක්නව් ඉනිම ශක්තිමක් කළහ. කෘනාල් පන්ද්‍යා ගේ අවසන් වේගවත් ලකුණු 21 ක් සමඟ ලකුණු පුවරුව 158 ක් ලෙස දිස් වුයේ, ලක්නව් පන්දු යවන්නට වැඩි කාර්ය භාරයක් ඉතුරු කරමින්ය.

තරඟයේ දෙවන ඉනිම ආරම්භ කළ ගුජරාට් කණ්ඩායමට සාර්ථක වීමට දුෂ්මන්ත චමීර කිසිම ඉඩක් ලබා දුන්නේ නැත. පළමු පන්දුවරයෙන් ශුබන් ගිල සහ සිය දෙවන පන්දුවාරයෙන් යෝකර් පන්දුවක් යවමින් ජයෂන්කර් ව ක්‍රීඩාගාරයට යැවීමට සමත් විය. මැතිව් වේඩ්, ඩේවිඩ් මිලර් සහ හාදික් පන්ද්‍යා ලකුණු 30 සීමාවන් පසු කරමින් අවශ්‍ය දළ ලකුණු වේගය කණ්ඩායමට ලබාදෙන ලදී. අවසානයේ තරඟය නිමා කිරීමේ වගකීම මනාව ඉටු කළ රාහුල ටෙවටියා පන්දු 24කින් ලකුණු 43 ක් ලබා ගෙන පන්දු දෙකක් ඉතිරිව තිබියදී තරඟය නිම කළේය.

අවසන් පන්දුවාරයේදී ලකුණු 11ක් අවශ්‍යව තිබුණු මොහොතක ජාත්‍යන්තර තරඟ අත්දැකීම් බහුල චමීර වෙනුවට නවක ක්‍රීඩක අවේෂ් ඛාන් වෙත පන්දුව ලබාදීම, ලක්නව් නායකයා විසින් සිදු කළ වරදක් යැයි විචාරකයන්ගේ මතය විය. අවසන් පන්දුවාරය චමීර යැව්වේ නම්, තම කුළුදුල් IPL තරඟයේ ජය ලක්නව් සතු කරගැනීමේ විශාල ඉඩ කඩක් විය.

කියවන්න :කාන්තා ක්‍රිකට් ලෝක කුසලානය: බංග්ලාදේශයට එරෙහිව ලකුණු 100ක ජයක් ලබමින් එංගලන්තය අවසන් පූර්ව වටයට පිවිසෙයි