ICC කාන්තා ක්‍රිකට් ලෝක කුසලානයේ ජය ඔස්ට්‍රේලියාවට!

manager — Mon, 04 Apr 2022 15:48:57 +0000

වාර්තා පිට වාර්තා බිඳ දමමින් CWC22 නිමාවකට

ICC කාන්තා ක්‍රිකට් ලෝක කුසලානයේ ජය ඔස්ට්‍රේලියාවට!

ඔස්ට්‍රේලියාවේ ක්‍රයිස්ට්චර්ච් හි හැග්ලි ඕවල් ක්‍රීඩාංගණයේදී ඓතිහාසික රාත්‍රියකදී එංගලන්තය ලකුණු 71කින් පරදවා හත්වැනි වරටත් ICC කාන්තා ක්‍රිකට් ලෝක කුසලානය දිනා ගැනීමට ඕස්ට්‍රේලියාව සමත් විය, එය අනුව වැඩිම ශුරතා ගණනකට හිමි කම් කියන රට ලෙස ඔස්ට්‍රේලියාව ඉතිහාස ගත වෙයි . ඔවුන්ගේ පෙර ශූරතා හය පැමිණ ඇත්තේ 1978, 1982, 1988, 1997, 2005, 2013 දී ය.

සිවුවරක් ශූරයන් වූ එංගලන්තය මෙවර ශූරතාව රැක ගැනීමට අපොහොසත් වීම නිසා අනුශූරයන් විය. කාන්තා ලෝක කුසලානය දිනූ අනෙක් එකම රට නවසීලන්තයයි.

ඔස්ට්‍රේලියාව පසුගිය කාලයේ එක්දින ජාත්‍යන්තර තරගවලදී සම්පූර්ණයෙන්ම ආධිපත්‍යය දරයි. 2018 ආරම්භයේ සිට, ඔවුන් තරඟ 39 න් 38 ක් ජයගෙන ඇති අතර ඔවුන්ගේ එකම පරාජය පසුගිය වසරේ ක්වීන්ස්ලන්තයේ මැකේ හිදී ඉන්දියාවට එරෙහිව සිදුවිය.

ඕස්ට්‍රේලියානු කඩුලු රකින ක්‍රීඩිකාව වන ඇලිසා හීලි යුග ගණනාවක් පුරා ඉනිමක් ක්‍රීඩා කළ අතර ක්‍රිකට් වාර්තා රැසක් බිඳ හෙළුවාය.

ඇය එංගලන්තයට එරෙහිව පන්දු 138කින් ලකුණු 170ක් රැස් කිරීම ඕනෑම ICC ක්‍රිකට් ලෝක කුසලානයක (එය පිරිමි හෝ කාන්තා වේවා) අවසන් මහා තරගයකදී ලබාගත් ඉහළම ලකුණු සංඛ්‍යාව වේ.

අවසන් පූර්ව තරගයේදීද බටහිර ඉන්දීය කොදෙව්වන්ට එරෙහිව ලකුණු සියයක්, 129ක් ලබා ගත් ඇය එම ලෝක කුසලානයේම අවසන් පූර්ව තරගයේදී සහ අවසන් තරගයේදී ශතකයක් රැස් කළ ඉතිහාසයේ පළමු ක්‍රිකට් ක්‍රීඩිකාව බවට පත්විය.

ලෝක කුසලාන අවසන් මහා තරගයක තෙවැනි ඉහළම ලකුණු සංඛ්‍යාව සහ කාන්තා ඉසව්වල දෙවැනි ඉහළම ලකුණු සංඛ්‍යාව වන 148* සටන්කාමී ලකුණු සංඛ්‍යාවක් ලබා ගත් Nat Sciver ගේ පිත්තෙන් පරාජයට පත් වූවද ක්‍රීඩාවේ තවත් ඉහළ පෙළේ ඉනිමක් තිබුණි.

2022 තීරකයට පෙර, කාන්තා ක්‍රිකට් ලෝක කුසලාන අවසන් මහා තරගයේ එකම ශතකය වූයේ 2005 සෙන්චූරියන්හිදී බටහිර ඉන්දීය කොදෙව්වන්ට එරෙහිව ඕස්ට්‍රේලියාවේ කැරන් රෝල්ටන් (107*) රැස් කළ ශතකයයි.

1997 වසරේ මුම්බායිහිදී ඩෙන්මාර්කයට එරෙහිව බෙලින්ඩා ක්ලාක් නොදැවී ලබාගත් ලකුණු 229 ට පසුව හීලිගේ ලකුණු 170 කාන්තා එක්දින තරගයකදී ඕස්ට්‍රේලියාව වෙනුවෙන් දෙවැනි වැඩිම ලකුණු සංඛ්‍යාව ද වේ.

වාර්තා පිට වාර්තා බිඳ වැටේ

කාන්තා ලෝක කුසලානයේ එක් සංස්කරණයකදී වැඩිම ලකුණු රැස්කිරීමේ 25 වසරක් පැරණි නවසීලන්ත ජනප්‍රිය ක්‍රීඩිකා ඩෙබී හොක්ලිගේ වාර්තාව අවසන් මහා තරගයේදී දෙවරක් අභිබවා ගියේය.

ප්‍රථමයෙන් Rachael Haynes (ලකුණු 497) Hockley ගේ ලකුණු 456 ක ලකුණු සංඛ්‍යාව බිඳ දැමූ අතර පසුව Healy සිය ලකුණු 170 ඉනිම අතරතුර Hockley සහ Haynes දෙදෙනාම පසුකර ගියේය.

හීලි කාන්තා ලෝක කුසලානයේ තනි සංස්කරණයකදී ලකුණු 500 සීමාව පසු කළ පළමු ක්‍රීඩිකාවයි. කණ්ඩායම් අදියර අවසන් වන විට ඇය ලබා සිටියේ ලකුණු 210ක් පමණයි. අවසන් පූර්ව සහ අවසන් තරගයේ ඉනිම් දෙකේදී ඇය රැස්කළ ලකුණු සංඛ්‍යාව 299කි.