ගෝල් ග්ලැඩියේටර් කාටත් කළින් අවසන් සටනට

0
47
ගෝල් ග්ලැඩියේටර් කාටත් කළින් අවසන් සටනට

ගෝල් ග්ලැඩියේටර් කාටත් කළින් අවසන් සටනට

අවසන් කණ්ඩායම් 4 තරග වටයට අන්තිම මොහොතේදී සුදුසුකම් ලැබුවද අංක 1 කණ්ඩායම බවට නම් දරා සිටි කලම්බු කිංග්ස් කණ්ඩායමට තියුණු තරගයකින් දෙමින් කඩුලු 2 ක ජයක් වාර්තා කිරීමට සමත් වුණු ගෝල් ග්ලැඩියේටර් කණ්ඩායම “My11Circle ලංකා ප්‍රිමියර් ලීග්” පන්දුවාර විස්සයි-20 ලීග් ක්‍රිකට් තරගාවලියේ අවසන් මහ තරගයට සුදුසුකම් ලැබීමට 13 දා සමත්විය.

අත්‍යවශ්‍යම මොහොතේදී ක්‍රීඩකයින් ආබාධයකට ලක්වීමත්, එකක් දෙකක් නොව උඩ පන්දු 6 ක්ම පන්දු රකින්නන් අතින් ගිලිහී යෑමත් කලම්බු කිංග්ස් කණ්ඩායමේ පරාජයට හේතූ වූහ. ඒ සියළුම වාසි සමඟ ජයග්‍රහණය සඳහා ලකුණු 151 ක ඉලක්කයක් හඹා ගිය ගෝල් ග්ලැඩියේටර් පිතිකරුවෝ පන්දුවක් ඉතිරිව තිබියදී අවසන් මහ තරග වරම් දිනා ගන්නා ලද්දේ තවත් කඩුලු 2 ක් අත තබාගෙනය.

ගෝල් ග්ලැඩියේටර් කාටත් කළින් අවසන් සටනට

විටින් විට ජයග්‍රහණය දෙපිළ වෙතම බෙදී ගිය මෙම තරගයේ අංක 10 පිතිකරුවා ලෙසින් පිවිසි ලක්ෂාන් සඳකැන් මුහුණ දුන් පළමු පන්දුව හතරේ සීමාවට යෑමට සලස්වමින් ගෝල් ග්ලැඩියේටර් ජය තහවුරු කරද්දී  අනෙක් ලක්ෂාන් වුණු ධනංජය ලක්ෂාන් පන්දු 23 කදී හයේ පහරක් සහ හතරේ පහර 2 ක් සමඟින් නොදැවී ලකුණු 31 ක් ලබා සිටියේය.

ඉසුරු උදාන විසින් ක්‍රියාත්මක කරන ලද ඉනිමේ අවසන් පන්දුවාරයේදී ජයග්‍රහණය සඳහා ලකුණු 15 ක් ලබා ගැනීමේ අභියෝගය ආධුනික ධනංජය ලක්ෂාන්ගේ කර මතට වැටෙද්දී මුහුණ දුන් පළමු පන්දුවෙන්ම ලබා දුන් උඩ පන්දුව කයිස් අහමඩ් විසින් අතහැර දැම්මේය. ලද අවස්ථාවෙන් පයින් ගැසීමේදී අත්වන ප්‍රතිඵලය මෙය යැනි මොනවට පෙන්නුම් කළ වමත් ආධුනික පිතිකරුවා එම පන්දුවේදී ලකුණු 2 ක්ද,  ඊළඟ පන්දු වලදී ලකුණු 2 ක් සහ තෙවැනි පන්දුවට දැවැන්ත හයේ පහරකින් සංග්‍රහ කරමින් ඊළඟ පන්දුවේදී සඳකැන්ට පන්දුවට පහර දීමට අවස්ථාව උදාකර දුන්නේය.

අත්‍යවශ්‍යම මොහොතේදී ක්‍රීඩකයින් ආබාධයකට ලක්වීමත්, එකක් දෙකක් නොව උඩ පන්දු 6 ක්ම පන්දු රකින්නන් අතින් ගිලිහී යෑමත් කලම්බු කිංග්ස් කණ්ඩායමේ පරාජයට හේතූ වූහ.

කොයි මොහොතේ හෝ වර්ෂාව ඇද වැටේවි යන බලාපරොත්තුවෙන් ලකුණු රැස් කළ ගෝල් ග්ලැඩියේටර් පිල අවශ්‍ය වේගය රඳවා ගනිමින් පන්දුවට පහර දීම කැපී පෙනුණි. එහිදී නායක භානුක රාජපක්ෂ පන්දු 17 කදී හයේ පහර 2 ක් සහ හතරේ පහර 3 ක් සමඟ ලකුණු 33 ක්ද කඩුලු රැකි අසාම් ඛාන් පන්දු 13 කදී හයේ පහරක් සහ හතරේ පහර 3 ක් සමඟින් ලකුණු 21 ක්ද ලබා ආරම්භයේදී අවශ්‍ය වේගය මුසු කළය. මැද පෙළින් පැමිණි ෂෙහාන් ජයසූරිය කණ්ඩායමේ බර ගෙන පන්දුවට පහර දෙමින් ලකුණු 22 ක් රැස් කළ නමුත් දුවද්දී දැවී යෑමකට හසුවීම නිසා තරගය අවසන් කරන තෙක් කඩුල්ලේ රැඳී සිටීමට නොහැකිවිය.

මෙම තරගයේදී ලකුණු රැස් කිරීම මෙන්ම කලම්බු කිංග්ස් පිල මුහුණ දුන් අනෙක් ගැටළුව බවට පත්වූයේ පන්දු යැවීමට ප්‍රමාණවත් පන්දු යවන්නන් නොමැතිවීමය. අද තරගය නියෝජනය කළ නායක මැතිව්ස්, ඇන්ඩ්‍රෙ රසල් මෙන්ම ඉසුරු උදානද ආබාධයන් වලට ලක්වූහ. ආබාධයකට ලක් වුවද පන්දු යවන්නන්ගේ හිඟ භාවය හේතුවෙන් ආබාධිත තත්ත්වය මතම අවසන් පන්දු වාරය යැවීමට ඉසුරු උදානට සිදුවූ හෙයින් ඔවුන් සතු වූ සියළු සැලසුම් වතුරේ ගියහ. අතිරේක ක්‍රීඩකයකු පන්දු රැකීමට කැඳවමින් නායකයා ක්‍රීඩාංගණයෙන් ඉවතට ගියද තම ආබාධය පසෙකලා ඔහුට සිදුවූයේ තාවකාලිකව තරගය මෙහෙයවන ලද චන්දිමාල්ට උපදෙස් ලබා දීමටය.

අත්‍යවශ්‍යම මොහොතේදී ක්‍රීඩකයින් ආබාධයකට ලක්වීමත්, එකක් දෙකක් නොව උඩ පන්දු 6 ක්ම පන්දු රකින්නන් අතින් ගිලිහී යෑමත් කලම්බු කිංග්ස් කණ්ඩායමේ පරාජයට හේතූ වූහ.

කාසියේ වාසිය දිනා පන්දුයැවිමට ගැල්ඩියේටර් නායකයා ගත් තීරණය හොඳ තීරණයක් බව වැටහීමට ගතවූයේ පවර් ප්ලේ අවස්ථාවට හිමි පන්දුවාර 6 අවසන්වීමට ගත වුණු කාලය පමණි. පෙර තරගවලට සාපේක්ෂව අද තරගය පැවැති තණතීරුවේදී වේග පන්දු යවන්නන්ට ලබා දුන් සහයෝගයද සමගින් මනා පාලනයකින් යුතුව පන්දු යැවූ නුවන් තුෂාර ප්‍රමුඛ ග්ලැඩියේටර්ස් පන්දු යවන්නෝ පවර් ප්ලේ අවස්ථාවේදී ලකුණු 32 ක් පමණක් ලබා දී ආරම්භක පිතිකරුවන් යුගලය දවා ගනිමින් වැඩි පීඩනයක් යොමු කළහ. එහිදී තරගයේ වීරයා සම්මානයෙන් පිදුම් ලත් ධනංජය ලක්ෂාන් විසින් චන්දිමාල් දවා ගැනීම වෙනුවෙන් පිට ඉන්නට පිටතින් පතිත කළ පන්දුව පා ඉන්න සොයා වූ දෝලනය අදහාගත නොහැකි විය.

කෙසේ වෙතත් කලම්බු කිංග්ස් සමස්ථ ඉනිමේ කඩුලු අතර සම්බන්ධතා ගොඩ නැගීමට කිසිදු අවස්ථාවක් ලබා නොදීමට පන්දු යවන්නන් සමත් වද්දී පන්දු රකින්නන්ද අදහාගත නොහැකි මට්ටමේ උඩ පන්දු කීපයක් රැක ගනිමින් තම යුතු කම ඉටු කළහ.

පිතිකරුවන් අතරින් අද දිනයේ ලකුණු අතරට පැමිණීමට වාසනාව උදාවූයේ එංගලන්ත ජාතික ඩැනියෙල් බෙල්ට පමණි. ආබාධිත තත්ත්වය තවමත් සුව අතට පත් නොවීම හේතුවෙන් ආරම්භක පිතිකරු ලෝරි එවන්ස් අද තරගයට ක්‍රීඩා නොකළ ඔහුගේ වගකීම ළහිරු උදාරට පැවැරී තිබුණි. අංක 3 පිතිකරු ස්ථානයෙන් පන්දුවට පහර දීමට පැමිණි බෙල් පන්දු 53 කදී හයේ පහර 3 ක් සහ හතරේ පහර 7 ක් සමඟ පන්දු 53 කදී ලකුණු 70 ක් රැස් කිරීම හැරුණු කොට සෙසු එකම පිතිකරුවකු වත් ලකුණු 20 සීමාව ඉක්මවාලීමට අපොහොසත් වූහ. බෙල් විසින් අද දිනයේදී වාර්තා කරනලද අර්ධ ශතකය මෙම තරගාවලියේ තරග 6 කදී ලද පළමුවැන්න වේ.

ගෝල් ග්ලැඩියේටර් කාටත් කළින් අවසන් සටනට

කෙසේ වෙතත් අංක 9 පිතිකරණ ස්ථානයෙන් පන්දුවට පහර දීමට පැමිණි ඉසුරු උදාන පන්දු 11 කදී හයේ පහරක් සහ හතරේ පහරක් සමඟින් ලකුණු 19 ක් ලබා කලම්බු කිංග්ස් ලකුණු සංඛ්‍යාව 150 සීමාවට රැගෙන ආවේය. පෙර තරගයේදී විවේක ගැන්වුණු ඇන්ඩ්‍රෙ රසල්ට අද දිනයේ ලබාගත හැකි වූයේ ලකුණු 11 ක් පමණි. ඉනිමේ කැපී පෙනෙනම පන්දු යවන්නා වුණු ලක්ෂාන් සඳකැන්ගේ පන්දුවක් හමුවේ රසල් දැවී යන විටත් ඇන්ජලෝ මැතිව්ස්ගේ කඩුල්ලද දවා ගැනීමට සමත්ව සිටියේය.

කලම්බු කිංග්ස් මැද පෙළ ශක්තිමත් කරන අශාන් ප්‍රියන්ජන්ගේ කඩුල්ලද ඩැහැගත් සඳකැන් සිය පන්දුවාර 4 ලකුණු 32 කට කඩුලු 3 ක් ලෙසින් සටහන් කරගත්තේය. ප්‍රියන්න් දවා ගැනීම වෙනුවෙන් ෂෝට් එක්ස්ට්‍රා කවර් කළාපයේ සිට භානුක රාජපක්ෂ රැක ගන්නා ලද උඩ පන්දුව විශිෂ්ඨ ගණයේ විය. සඳකැන්ට අමතරව ධනංජය ලක්ෂාන් සහ නුවන් තුෂාර ලකුණු 27 බැගින් ලබා දී කඩුලු 2 ක් දවා ගනිද්දී නිහඬ සේවයක් කළ මොහොමඩ් අමීර් තම පන්දුවාර 4 දී ලකුණු 26 ක් පමණක් ලබා දීමට වග බලාගත්තේය.

ඔබට දැනටමත් 1XBET ගිණුමක් නොමැති නම් ලියාපදිංචි වීමට පහත ලින්කුව භාවිත කරන්න, ලියාපදිංචි වීමේදී අමතක නොකර 1XSL ලෙස PROMO CODE එක යොදන්න.

ලොකොමොටිව් සහ ජෝකරිට් අතර තරගය [Kontinental Hockey League]

ලියාපදිංචි වීමේ ලින්කුව – http://bit.ly/1xLS_Reg

ප්‍රොමෝ කෝඩ් – 1XSL