කෝලි රජුගේ හෝටල් කාමරය -“King Kohli’s hotel room”

November 1, 2022

1046

King Kohlis hotel room

විස්සයි විස්ස ලෝක කුසලානය 2022

මෙවර විස්සයි විස්ස ලෝක කුසලානය ආරම්භ වීමට පෙර ඉන්දියාව ඕස්ට්‍රේලියාවේ පර්ත් හී පුහුණු කඳවුරකට සහභාගී වූ අතර,

එහි දී තම පෞද්ගලික හෝටල් කාමරයේ දී ම තමන්ගේ පෞද්ගලිකත්වය උල්ලංඝණය කිරීමක් සිදු වූ බව ඉන්දීය සුපිරි පිතිකරු Virat Kohli අනාවරණය කර තිබෙනවා.

එම සිදු වීම සිදු වූ දිනය පිළිබඳ ඔහු විසින් කිසිදු ප්‍රකාශයක් සිදු කර නොමැති වුවත්, ESPNcricinfo වාර්තා කරන පරිදි එය සිදු වී ඇත්තේ ඉන්දීය කණ්ඩායම ඕස්ට්‍රේලියාවට පැමිණ දින දෙකකට (ඔක්තෝබර් 08) පසුවයි.

පසුගිය ඉරිදා පර්ත් හිදී දකුණු අප්‍රිකාවට එරෙහිව පැවති තරගයෙන් අනතුරුව, ඊයේ (31) Kohli විසින් සිය Instagram පිටුවේ වීඩියෝවක් පළ කරමින් මෙම සිදුවීම පිළිබඳ හෙළිදරව් කර තිබුණා.

එම වීඩියෝව ඊට ටික දිනකට පෙර “King Kohli’s hotel room” (කෝලි රජුගේ හෝටල් කාමරය) යනුවෙන් ශීර්ෂ පාඨය (caption) සඳහන් කරමින්, Virat Kohliගේ පෞද්ගලික කාමරයේ ඇවිදිමින් ගත් වීඩියෝවක පිටපතක් වන අතර,

එය පළමුව සමාජ මාධ්‍ය වෙත උඩුගත කර කර ඇත්තේ හඳුනා නොගත් Tik Tok පරිශීලකයෙකු විසිනුයි.

ඒ පිලිබදව විරාත්කෝලි මෙසේ සදහන් කර තිබුනා..

“මට තේරෙනවා, රසිකයින් ඔවුන්ගේ කැමතිම ක්‍රීඩකයින් දැක්කාම සතුටට පත් වෙනවා, උද්යෝගිමත් වෙනවා. තමන්ගේ ප්‍රියතමයන් මුණ ගැසීමට උත්සාහ කරනවා. මම ඒක අගය කරනවා.

නමුත් මේ වීඩියෝව භයානක දෙයක්,

මම මේ ආකාරයේ රසික උමතුවන් අනුමත කරන්නේ නැහැ, මෙය පෞද්ගලිකත්වය ආක්‍රමණය කිරීමක්.

කරුණාකර මිනිසුන්ගේ පෞද්ගලිකත්වය ආරක්ෂා කරන්න, ඔවුන් විනෝදාස්වාදය සඳහා භාවිත කරන භාණ්ඩ ලෙස සලකන්න එපා,”

යනුවෙන් Virat Kohli එම වීඩියෝව සමඟින් Instagram සටහනක් තබා තිබුණා

මේ අතර මෙම සිදුවීමට සම්බන්ධ වූ හෝටලය වන Crown Towers විසින් සිද්ධිය සම්බන්ධයෙන් සමාව අයදිමින් සඳහන් කර ඇත්තේ සිදුවීමට සම්බන්ධ සේවකයින් සේවයෙන් පහ කළ බවයි.